عرض مصدر تخبال كوانتي

[[فيشي:SPDC_figure_(fr).png|تصغير|شوفة الفنان ديال واحد السيسطيم كايولّد جوج فوطونات مخبّلين]]
فالميكانيك الكاونتومية، '''التخبلال الكوانتي''' ؤلا '''التشباك الكوانتي''' ([[نݣليزية|بالنݣليزية]] '''Quantum Entanglement''') هو واحد الفينومين فين جوج [[فرتيتة تحتدرية|فرتيتات تحت درية]] ؤلا ݣروپ ديال الفرتيت تحت دري كايكوّنو واحد السيسطيم مترابط واللي الحالات الكوانتومية ديالو كايكونو مرهونين ب بعضياتهم شحالمّا بغا يكون البعد اللي كايفرّق بيناتهم كبير. فاش الفرتيت كايكون ف هاد الحالة كايتسمّى '''مخبّل''' ([[نݣليزية|بالنݣليزية]]: '''entangled''') حيت الخصايل الفيزيكية المنضورة ديال هاد الفرتيت كايكونو مكوريليين (مرتابطين) مع بعضياتهم واخّا بعاد من بعضياتهم. '''الطييّوريم د بور Bohr Theorem''' كايبيّن باللي التخبال كايتسبّب ف فعايل ماشي محليين. فهاد الصدد، لا شدّينا جوج تويشيات '''تـ1''' ؤ '''تـ2'''، ؤ خبّلناهم، ما غاديش يكونو مستاقلّين على بعضياتهم واخّا نعياو ما نبعّدو ما بيناتهم. ما حدّهم مخبّلين، خاصنا نفكّرو فيهم كا تويشية وحدة اللي ممكن نرمزو ليها ب '''{تـ1+تـ2}'''.<ref>{{مرجع ويب
|url=https://scienceexchange.caltech.edu/topics/quantum-science-explained/entanglement
|title=What Is Entanglement and Why Is It Important?
|accessdate=2023-08-27
}}</ref>

هاد الملاحضة جات ف قلب المداكرات الفلسفية على التفسير اللي كايتعطى للميكانيك الكوانتي. حيت فالحقيقة كاتضرب فالصميم ديال '''الركيزة د المحلية locality principal''' اللي كان كايدافع عليها [[ألبيرط أينشطاين|ألبيرت أينشتاين]]. ولكن بلاما تغلّطها بمرة، حيت التباديل ديال المعلومات ب [[زربة]] كبر من الزربة ديال ال[[شعا|ضو]] باقا حاجة مستحيلة ؤ السببية باقا محتارمة.

التخبال الكوانتي عندو شلا تخديمات ممكنة ف ضومينات بحال لانفورماتيك الكوانتية، الكريپطوݣرافي الكوانتية، الطيليپورطاج الكوانتي، ؤ لورديناطور الكوانتي.

== التاريخ ==
أول وحدين دواو على الطبيعة المفشكلة ديال الحالات الكوانتومية المخبّلة كانو هوما [[ألبيرط أينشطاين|أينشتاين]]، پوضولسكي، ؤ روزن ف واحد المقالة خرجات ف 1935 اللي كانت باغا تبيّن باللي الميكانيك الكوانتومية مازالة ما كاملاش. هاد الخرجة د أينشتاين ضد الميكانيك الكوانتومية تسبّبات ليه ف واحد شد ليا نقطع ليك طويلة مع [[نيلز بور]] اللي ممكن نسمّيوها الملاغية د بور ؤ أينشتاين. فالمقالة اللي نشر أينشتاين كان وصف واحد التجريبة عقلية اللي سمّاها هو "فعلة د جن على لبعد" حيت كان ما كايحملش الكوانتوم ولكن أكاديميا دابا كاتتسمّى الپاراضوكس د EPR (أينشتاين، پوضولسكي، روزن). هاد الپاراضوكس غادي يتڤيريفيا ؤ ياكونفيرما من بعد منعند العولاما د الفيزيك التجريبية.

التجريبة د ألان أسپيكت Alain Aspect بينات بطريقة ما داخلهاش الشك باللي المخالفات د بيل Bell Inequalities ما خدّامينش ؤ بالتالي أكدات الفينومين ديال التخبال الكوانتومي ؤ الفرضية د الماشي-محلية non-locality. مالبداية د السبعينات، شي تجارب ؤخرين كايأكدو هاد الفينومين تدارو من بعد ؤ اللي بقاو غادين ؤ كايزيدو يبّعدو الفرتيت المخبّل على بعضياتو ب بعودية كبيرة:

* ف 2015، التخبال تبت على جوج [[إليكطرون]]ات بعاد على بعضياتهم ب 1300 ميطرو.
* ف 2017، خوان يين Juan Yin ؤ غيرو (مالجامعة د العلوم ؤ الطيكونولجيا د خفي Hefei ف[[الشينوا]]) لقاو [[فوطون]]ات جايّين مخبلين من الساطيليت د QUESS اللي كان كايؤربيطي على بعد 1203 كيلوميطر من السطاسيونات لارضيين ديال ديلينغا Delingha فالشمال د [[التيبيت]] ؤ لوبسيرفاطوار د ݣاومييݣو Gaomeigu ف ليزيالانݣ Lijialang.

== تخبال ماطيماتيكياً ==
فلميكانيك د لكوانطا، لحالة ديال شي سيسطيم كتمتل ب ڤيكتور <math>|\psi \rangle</math> كاين ف شي [[فضا ديال هيلبرت]] <math>|\psi\rangle \in \mathcal{H}</math>. ؤ إدا كانوا عنا جوج [[فرتيتة تحتدرية|فرتيتات]] لڤيكتور كيكون ف [[ضرب طونصوري]] ديال جوج فضاوات د هيلبرت <math>|\psi_{AB}\rangle \in \mathcal{H_A}\otimes\mathcal{H_B}</math>. إدا مومكين لڤيكتور يتكتب على شكل ضرب طونصوري <math>|\psi_{AB}\rangle = |\psi_{A}\rangle \otimes |\psi_{B}\rangle</math> فين <math>|\psi_{A}\rangle \in \mathcal{H_A} ,|\psi_{B}\rangle \in \mathcal{H_B}</math>، كنقولو بلي سيسطيم ف [[حالة تفراقية]]. إدا مكانش مومكين سيسطيم كيكون ف حالة مخبلة. متلا <math>|\psi_{AB}\rangle = \dfrac{1}{\sqrt{2}}(|00\rangle + |11\rangle )</math> سيسطيم مخبل (هو واحد من بين [[لحالات الربعة ديال بيل]]).<ref>{{مرجع ويب
|url=https://www.cambridge.org/highereducation/books/quantum-computation-and-quantum-information/01E10196D0A682A6AEFFEA52D53BE9AE
|title=Quantum Computation and Quantum Information: 10th Anniversary Edition
|date=2010-12-09
|website=Higher Education from Cambridge University Press
|language=en
|DOI=10.1017/cbo9780511976667
|accessdate=2024-01-02
|last=Nielsen
|first=Michael A.
|last2=Chuang
|first2=Isaac L.
}}</ref>

== مصادر ==
{{عيون}}
{{ضبط مخازني}}

[[تصنيف:مقالات فيها مصدر و 3000 بايت]]
[[تصنيف:لميكانيك د لكوانطا]]
[[تصنيف:لانفورماتيك لكوانطية]]
[[تصنيف:مقالات ب عناوين فيها نيولوجيزم]]