1.000.000.000

1.000.000.000 ؤلا مليار (ب موضيل:لوغة-en) عدد طبيعي جا مور 999.999.999 و قبل من 1.000.000.001. ف لماط، مليار كيتّكتب شي مرات بشكل مختاصر $1\times 10^9$. لمزيودة لميترية ڭيڭا- ؤلا جيڭا كاتدل على شي عبرة مضروبة ف مليار (متلا 1 ڭيڭاميتر كاتساوي مليار ميترو).

مليار جات من لفرانساوية، ولاكين ف النڭليزية مليار كيتسمّى بليون، و ف لمشرق بزاف كيخدّمو هاد لكلمة. ف بعض اللوغات، بليون كاتعني 1000 مليار (تريليون).

لقياسات و لعبارات

مقارنة ب الشوفان د لأحجام ديال لقوى د 10 من زيرو ل 9

الزمان

• مليار تانية كاتساوي تقريبا 31 عام، 8 شهور و 8 يام، ؤلا ب التحديد 11.574 يوم و ساعة و 46 دقيقة و 40 تانية.
• هادي مليار دقيقة تقريباً كانت لإمبراطورية الرومانية ف لأوج ديالها، و لمسيحية يلّاه عاد بانت.
• هادي مليار ساعة كان بنادم عايش ف لعصر د لحجر، ؤلا ب التحديد لعصر د لحجر لقديم لوسطاني.
• هادي مليار نهار كان ؤسطرالوپيتيكوس، واحد لكائن من لڭنس د لقرودا عندو قرابة معا بنادم، كيعيش ف الساڤانا د إفريقيا.
• هادي مليار شهر كانو الديناصورات كيعيشو ف لأرض.
• هادي مليار عام بانو أول كائنات ؤكاريوطية مولات خلايا متعددة multicellular eukaryote ف لأرض.
• هادي مليار عقد بانو أول مجرات ف لكون.
• لعولاما كيعتاقدو دابا بلي لكون عمرو 13,8 مليار عام.

لمسافة

• مليار ميترو (ؤلا ڭيڭاميترو) كاتساوي تقريباً 3 د لمرات لبعودية د لقمر من لأرض.
• مليار كيلوميتر كاتساوي تقريبا 6 د لمرات لبعودية د الشمش من لأرض.