0

رمز ديال زيرو عند لمايا

زّيرو ؤلا صّيفر (رّمز ف نّماري لغبارية 0) هوّا نمرة ؤ عاداد كيمتّل لكونصيپط ديال والو ؤلا لخوا. ف لماط، زيرو هوّا لمحايد ديال لجمع. ف نّيڤو لقافز ديال لماط، أي عنصر محايد ديال قانون جمعي، متلا ف ݣروپ، كيتّكتب عادتن 0 وخا مايكونش كيمتل لعاداد زيرو لي كيعرفو عامّت نّاس. ف لكتابة لموضعية د نّماري، زّيرو كيتخدّم كا نايب فاش شي موضع ف عاداد ماكيكون فيه والو، متلا ف لعاداد 102، زّيرو محطوط ف لبلاصة ديال لعشرات حيت ماكاين فيها والو، ؤ كيتّعتابر نايب (ب نّݣليزية placeholder) حيت كينوب على نّمرة لي كان تقدر تكون ف داك لموضع.

لأصل د لكلمة

كلمة زيرو جات من لفرانساوية موضيل:لوغة، لي جات من طّاليانية موضيل:لوغة، لي جات من لڤينيسية موضيل:لوغة لموقابيل ديال طّاليانية موضيل:لوغة، لي أصلها من لعربية موضيل:Lang. كلمة صِفْر ف لعربية لقديمة كانت كاتعني والو، ؤ تطرجمات حرفيا من سّانسكريتية موضيل:Transl (موضيل:لوغة) لي كانت مخدمة ف لهند. هاد زّيرو لهندي يقدر يكون لأصل ديالو يوناني بابيلي، من لحرف لّول ؤميكرون ο ف كلمة موضيل:Lang (والو) لي تقدر تكون تخادت من رّمز ديال "والو" ف سّيستيم لفلكي د لكتبة ديال لبابيليين.

ف لماط

• أي عاداد يلا تزاد عليه زيرو كيبقا هوّا هوّا $x+0=x$. داكشي علاش زيرو هوّا لمحايد ؤلا لعنصر لمحايد د لجمع.
• أي عاداد مضروب ف زيرو كيعطي زيرو $x*0=0$.
• زيرو عاداد موجب ؤ سالب ف نفس لوقت.
• لقسيم علا زيرو ممنوع.
• أي عاداد (لي ماكيساويش زيرو) ؤس زيرو كيعطي واحد $x^0=1$.
• زيرو مايمكنش يتّرفع ؤس زيرو.
• 0 ؤس أي عاداد (لي ماكيساويش زيرو) كيعطي زيرو $0^x=0$.
• لفاكطورييل ديال زيرو كيساوي واحد $0!=1$.