كريپطاج د الجمل

طارق الجمل لعالم لمصري لميريكاني لي طوّر هاد لالڭوريتم

ف لكريپطوݣرافيا، لكريپطاج ولا ترماز د الجمل (كتنطق لݣََمَل) هو ألݣوريتم د لكريپطاج ب السوارت ماشي سيمطريك ديال لكريپطوݣرافيا بساروت باين، مبازي على تّبدال د السوارت ديال ديفي هيلمان. قتارحو لماطيماتيسيان لمصري طاهر الجمل ف 1985. لفكرة ساس ديالو مبنية على لمشكيل ديال لوݣاريتم لمقطع.

لألݣوريتم

تولاد د الساروت

لكريپطاج د لجمل كيتقسم ن تلاتة د لمراحل: تولاد د الساروت، لكريپطاج، و الديكريپطاج. لمرحلة لولة فيها غير تبدال د السوارت (ديفي هيلمان)، أما جوج لخارا فيهوم تبدال د السوارت مخلط معا لحساب د لميصاج.

طرَف لول، أليس، كتولد جوج سوارت بطّريقة لي ماجا:

• كتختار شي ݣروپ تدواري $G$، رتبة (لعدد د لعناصر لي فيه) ديالو $q$، لمولد ديالو $g$. لعنصر لمحايد ديالو $e$. أحسن ختيار د $q$ هو يكون عاداد لوّلي كيتكتب على شكل $q=2p+1$ فين $p$ حتى هو لوّلي.
• كتختار شي رقم عشوائياً $x$ من $\{1,...,q-1\}$.
• كتحسب $h_a=g^x$
• الساروت لباين هو $(G,q,g,h_a)$. أليس كتنشر الساروت لباين و كتخلي $x$ مخبعة.

كريپطاج

طرف تاني بوب، كيستعمل الساروت لباين ديال أليس $(G,q,g,h_a)$ ماش يكريپطي بيه شي ميصاج $M$.

• كيربط لميصاج $M$ ن شي عنصر $m$ من $G$ بشي فونكسيون ترجاعية $f$.
• كيختار شي رقم عشوائياً $y$ من $\{1,...,q-1\}$.
• كيحسب $s=h_a^y$
• كيحسب $h_b=g^y$
• كيحسب $c=m.s$
• بوب كيصيفط $(c,h_b)$ ن أليس، وكيخلي $y$ مكريپطي.

ديكريپطاج

أليس كاتبين على لميصاج لمكريپطي ب الساروت لخاص ديالا $x$.

• كتحسب $s=h_b^x$
• كتحسب $s^{-1}$ لمقلوب د $s$ ف لݣروپ $G$
• كتحسب $m=c.s^{-1}$
• كترجع ن $M$ بلفونكسيون ترجاعية $f$