تستاف ب لبواقات (ألݣوريتم)

موضيل:مقالة مقطوعة من شجرة موضيل:معلومات ألݣوريتم تستاف ب لبواقات هو ألݣوريتم ديال تستاف. هاد لالݣوريتم كيبقا يقارن لعناصر لي متابعين فشي ليستة و كيقلبوم إدا كانو ماشي مستفين (من لكبير ل الصغير ؤلا من الصغير ل لكبير). فهاد تستاف لعناصر كبارين كيطلعو بزربة نفوقي د ليستة فحال بواقات طالعين فشي سايل، هنا من جا لإسم ديالو.

هاد لالݣوريتم مكيتخدمشي ف لواقع بسباب سرعة ديالو لي ناقصة، كتستعمل غير ف تعليم حيت لمبدا ديالو بسيط. كاينين ألݣوريتمات أخرين سراع منو فحال تّستاف سّريع ولا تّستاف تّدماجي لي كيتستعملو متلاً ف پايطون ولا جاڤا.

لفكرة ساس

لالݣوريتم كيبقى يدور بزاف د مرات على ليستة لي ڤاغيين نستفو. فكل دورة كيقارن جوج د لعناصر حدا بعطوم و إلا كان تّاني صغير من لّول كيقلبوم، موراها كيدوز ن لعناصر جوج لي جاو من بعدوم و كيعاود نفس لحاجة. بهاد طريقة مور دورة لولا كيكون أكبر عنصر وصل ن موطعو ف لاخر د ليستة. ف دّورة تّانية كيتعاودو نفس لمراحل و ف لاخر ديالا كيكون تاني أكبر عنصر وصل ن موطعو. ملي فواحدة من دورات حتى جوج عناصر مكيتقلب موطعوم كنعرفو بلي ليستة تستفات، و لالݣوريتم كيوقاف.