كيلڤين

طيرموميتر كيعبر لحرارة ب سّيلسيوس ؤ لكيلڤين

لكيلڤين (كيتّرمز ليه ب K) هوّا عبرة أساسية ف سّيستيم لعالمي د لعبرات ديال لعبار د لحرارة. سّلوم د كيلڤين كيتّعتابر سلوم موطلق ديال لحرارة، بمعنى بلي زيرو كيلڤين كيساوي زّيرو لموطلق (حرارة لي مايمكنش شي سيستيم ينزل عليها).

سّلوم د لكيلڤين تعرّف ب لإزاحة ديال نّقطة د زّيرو ف سلوم سيلسيوس من لحرارة فاش كيتجمّد لما ل زّيرو لموطلق، ؤ دّرجات ديالو عندهوم نفس لعبار ديال دّرجات د سلّوم سيسلسيوس. ف تّعريف د 2019، لكيلڤين معتامد على تابتة د بولتزمان لي كاتساوي $1,380649\times 10^{-23}J.K^{-1}$، ؤ لحرارة ب سّيلسيوس معرفة ب درجة كيلڤين منقوص منها 273,15.

ف سّلوم د كيلڤين، لما كيتجمد ف 273,15 درجة، ؤ كايتبخّر ف 373,15 درجة كيلڤين. زّيرو لموطلق ب سّيلسيوس كيساوي 273,15- درجة سيلسيوس (0 درجة كيلڤين).

ف لفيزيك سّلوم د كيلڤين هوّا لي مخدّم بزاف، ولاكين باقي سّيسليوس منتاشر ف تّخدام لعادي ف أغلبية د لبلدان. ف لميريكان سّلوم د فارنهايت هوّا لي مخدم.