لوڭاريتم

تمثيل بياني ديال لوڭاريتمات بثلاثة ديال لمنحنيات: اللون لحمر كيمثل اللوڭاريتم اللي الساس ديالو هو e، اللون لخضر كيمثل الساس 2، و اللون الزرق كيمثل الساس ½. جميع هاد المنحنيات كايقطعو النقطة x=1

اللوڭاريتم هو مفهوم ديال لماط اللي كايتستعمل باش نلقاو عدد خاص اللي من خلالو كايترفع عدد آخر لواحد القوة باش نحصلو على نتيجة معينة. بعبارة بسيطة، اللوڭاريتم كايجاوب على السؤال: "شحال من مرة خاصني نضرب عدد ف راسو باش يعطيني هاد النتيجة؟"

مثلاً، إيلا خدمنا الساس 10، فلوڭاريتم 100 بالنسبة لهاد الساس هو 2، حيت 10 مرفوع ل 2 كايعطينا 100 ($100=10^2$).

اللوڭاريتمات كاينين منها نواع بحال:

• اللوڭاريتم العشري: اللي الساس ديالو هو 10 وكايتستعمل بزاف فالحسابات اليومية.
• اللوڭاريتم الطبيعي: اللي الساس ديالو هو العدد $e$ (كيساوي علاين 2.718)، وهاد النوع كايستعملوه بزاف ف لماط و الصيونص.

اللوڭاريتمات كاينين فبزاف ديال لمجالات بحال لإقتيصاد، لفيزيك، لهندسة، وحتى فالأنفورماتيك باش نزرّبو لعمليات الحسابية لمعقدة.