2

موضيل:وضح موضيل:معلومات نمرة جوج ؤلا نمرة جوج ؤلا لعاداد جوج (رّمز ف نّماري لغبارية 2) هوّا نمرة ؤ عاداد ؤ كونصيپط مْتجرّد كيقابل لمفهوم لفلسافي ؤ دّياني د دّوالية ؤلا جّوجية. جوج هوّا أصغر عاداد لولي ؤ لعاداد لّولي لواحيد لي جوجي. 2 جا مورا 1 ؤ قبل 3.

ف دّاريجة

لأصل د سّمية

كلمة جوج جات من لعربية زوج (نوطق زاوج) بمعنى كوپل. كلمة جوج كاتولي تنين ملي كيتزادو لعشرات (متلا ف تنين ؤ عشرين)، ولاكين عادتن ماكاتخدّمش هاد لكلمة بوحدها ف لمغريب.

صّيغة تّرتيبية د جوج هيا جاوج (ب ترقيق جّيم، باش ماتّخالطش معا طير جّاوج) ؤلا تاني.

ف لماط

• جوج عاداد لولي، ؤ هوّا أصغر عاداد لولي، ؤ لعاداد لّولي لواحيد لي جوجي (كيتّقسم علا جوج).
• أي عاداد كيتّقسم علا جوج كيتسما عاداد جوجي . ف سّيستيم لعشري يقدر بنادم يتعرف علا عاداد جوجي غير ب نّمرة لّخرة ديالو (كاتكون 0، 2، 4، 6 ؤلا 8). هاد لبلان خدّام حتا ف سيستيمات د نّماري لي لباز ديالها جوجية، بحال سّيستيم جّوجي (كيتسالا ب 0) ؤ سّيستيم سّطاشي (كيتسالا ب 0، 2، 4، 6، 8، A، C، E).
• جوج ؤ تلاتة هوما لأعداد لّولية لواحيدة لي جاو متابعين.
• جميع لأعداد لّولية كيكون لفرق بيناتهوم علّاقل 2.
• جوج هوّا أول لولي د صوفي جيرمان.
• جوج هوا أول لولي د لوكاس.
• جوج هوا أول لولي د رامانودجان.
• جوج هوّا لعاداد رّابع ف سّنسلة د فيبوناتشي لي كاتبدا ب 0، 1، 1، 2، 3...
• جوج هوا لباز ديال سّيستيم جّوجي، لي كيتخدم ف لانفورماتيك.
• كيما كان لعاداد $x$ عندنا $x+x=2*x$ (من لجمع ل ضّرب).
• كيما كان لعاداد $x$ عندنا $x*x=x^2$ (من ضّرب ل لؤسية).
• كيما كان لعاداد $x$ عندنا x^x = x↑↑2 (من لؤسية ل تّيترية).
• يلا جينا نعممو هاد لقضية ب لمفهوم ديال لفوقعملية، كانلقاو هاد لخاصية:

فوق($x$,$n$,$x$) = فوق($x$,($n+1$),2)

• جوج عندو ضونك خاصية فاريدة لي هيّا موضيل:Nowrap. نّبلات ↑ كيشيرو ل لكتبة ب نّبلات د كنوث ؤ لعاداد ديال نّبلات كيحدد لمستوى ديال لفوقعملية.
• جوج هوّا لعاداد لوحيد لي لمجموع د لمقلوبات لؤسية ديالو حتال لّامسالية كيعطيه هوا براسو:

$\sum _{k=0}^{\mathrm{\infty }}\frac{1}{2^k}=1+\frac{1}{2}+\frac{1}{4}+\frac{1}{8}+\frac{1}{16}+\cdots =2.$

• جّدر لمربع د جوج هوّا أول عاداد لاكسري تّكتاشف من طاراف لپيطاݣوريين.

ف صّيونص

• جوج هوّا نّمرة دّرية د لهيليوم.
• أغلبية د لكائنات لؤكاريوطية لكتيروسيلولية كيكونو فيهوم جوج د لأجناس.